Андрэй Ануфрыевіч Бембель – найбуйнейшы беларускі скульптар-манументаліст, адзін са стваральнікаў прафесійнай скульптурнай школы ў Беларусі і сістэмы вышэйшай мастацкай адукацыі ў цэлым, аўтар і сааўтар найважнейшых афіцыйных помнікаў-знакаў краіны: скульптурнага афармлення інтэр'ераў Дома ўрада ў Мінску (1932-1934), статуі Радзімы-Беларусі (1951-1952), якая вянчае павільён БССР на Выставе дасягненняў народнай гаспадаркі ў Маскве, цэнтральнага барэльефа на Мануменце Перамогі (1954) у Мінску, Кургана Славы (1969) на 21-м км трасы Мінск - Масква, увахода-Зоркі ў мемарыяльны комплекс Брэсцкай крэпасці (1971) і многіх іншых.